1 Kronikak

⁴Lebitar batzuk izendatu zituen Davidek Jaunaren kutxa aurrean zerbitzaldia egin eta Jauna, Israelen Jainkoa, ohora, ospa eta gorets zezaten. ⁵Asaf zen zuzendaria, Zakarias laguntzailea; Jeielek, Xemiramotek, Jehielek, Matitiasek, Eliabek, Benaiasek, Obed-Edomek eta Jeielek musika-tresnak, harpak eta zitarak jotzen zituzten, eta Asafek berak jotzen zituen txilinak. ⁶Benaias eta Jahaziel apaizek etengabe jotzen zuten turuta Jainkoaren itun-kutxaren aitzinean. ⁷Egun hartan agindu zien lehen aldiz Davidek Asafi eta beronen ahaideei kanta ziezaiotela Jaunari gorespen kantu hau: ⁸«Goretsazue Jauna, dei egin berari,jakinarazi herrien arteanharen egintza bikainak. ⁹Kanta iezaiozue,jo soinua berarentzat,kontatu haren egintza mirariak. ¹⁰Harro zaitezte hartaz,Jainko santuaz,poztu, Jaunaren bila zabiltzatenok!