3 Не брзај да си заминеш од присуството негово, и не биди тврдоглав кога причината не е добра, зашто тој прави како што му одговара.
4 Зашто во царскиот збор е силата, и кој смее да го праша: „Што правиш?”
5 Кој ги пази заповедите, не познава лоши работи, и срцето на мудрецот знае за времето и за судот.
6 Зашто постои време и суд за сите, а злото тешко го измачува човекот.
7 Зашто тој не знае што ќе биде; а кој може да му каже кога што ќе биде?
8 Никој не може да го совлада духот, за да го задржи духот, ниту има власт над смртниот ден, во тоа војување нема одлагање; ниту нечесноста го избавува оној што ја прави.
9 Го видов сè ова и внимавав со моето срце на секое дело што се прави под сонцето, кога човек владее над човек за негова несреќа.