3 Зашто Тој се удостои со слава, толку поголема од Мојсеевата, колку што е поголема почитта што ја има оној што го изградил домот од почитта што ја има домот!
4 Зашто секој дом се гради од некого; а Оној, Кој изградил сѐ, е Бог.
5 И Мојсеј Му беше верен како слуга на целиот Негов дом, за да го посведочи она што требаше да се соопшти.
6 Христос, како Син, е верен во Божјиот дом. Негов дом, пак, сме ние, само ако слободата и надежта, со кои се фалиме, ги запазиме до крај.
7 Поради тоа, како што вели Светиот Дух: „Денес, ако го чуете гласот Негов,
8 не жесточете ги срцата свои, како во огорченоста на денот на искушувањето во пустината,
9 каде што татковците ваши Ме искушаа, Ме испитуваа, иако ги гледаа делата Мои преку четириесет години.