5 И Мојсеј Му беше верен како слуга на целиот Негов дом, за да го посведочи она што требаше да се соопшти.
6 Христос, како Син, е верен во Божјиот дом. Негов дом, пак, сме ние, само ако слободата и надежта, со кои се фалиме, ги запазиме до крај.
7 Поради тоа, како што вели Светиот Дух: „Денес, ако го чуете гласот Негов,
8 не жесточете ги срцата свои, како во огорченоста на денот на искушувањето во пустината,
9 каде што татковците ваши Ме искушаа, Ме испитуваа, иако ги гледаа делата Мои преку четириесет години.
10 Затоа се разгневив на тој род и реков, секогаш се заблудуваа во срцата свои и не ги познаа патиштата Мои.
11 Па така се заколнав во Својот гнев дека нема да влезат во Мојот спокој.“