22 ‘Ua fa‘afofoga o Iesu i ia ‘upu, ‘ona fetalai atu lea o ia ‘iā te ia. “‘Ua toe o le mea e tasi ‘e te le‘i maua; ‘ia e fa‘atau atu i au mea uma, ma ‘ia e tufatufaina i ē matitiva, ‘ona ‘iā te oe lea o le faulaiga‘oloa i le lagi; i le e sau, ma mulimuli mai ‘iā te a‘u.”
23 ‘Ua fa‘alogo o ia i na ‘upu, ‘ona tigā tele ai lea o ia; auā o le mau‘oa tele lava o ia.
24 ‘Ua silafia e Iesu o ia ‘ua tigā tele ‘ona fetalai atu lea o ia, “O le mea faigatā na‘uā ‘ona sao atu o ē mau‘oa i le mālō o le Atua!
25 E faigofie ‘ona ui atu o le kamela i le pū o le nila, ‘ae faigatā ‘ona sao atu o le mau‘oa i le mālō o le Atua.”
26 O ē na fa‘alogo i ai ‘ua fai mai, “‘Āfai o lea, o ai se tasi e mafai ‘ona fa‘aolaina?”
27 ‘Ua fetalai atu o ia, “O mea e lē mafaia e tagata, e mafaia e le Atua.”
28 ‘Ona fai mai lea o Peteru, “Fa‘auta, ‘ua matou tu‘ua mea uma, ‘ae matou mulimuli atu ‘iā te oe.”