15 Auā ‘ou te avatu mo ‘outou le ‘upu ma le poto, e leai so latou o ē finau mai ‘iā te ‘outou na te mafaia ‘ona tali mai, pe tete‘e mai ‘iā te ‘outou.
16 E tu‘uina atu fo‘i ‘outou e mātua ma uso ma ‘āiga ma uō, o isi fo‘i o ‘outou e fasiotia e i latou.
17 E ‘inosia fo‘i ‘outou e tagata uma ‘ona o lo‘u igoa.
18 ‘Ae leai lava so ‘outou lauulu e tasi e pa‘ū.
19 O lo ‘outou ‘onosa‘i tou te maua ai lo ‘outou ola.
20 “A iloa e ‘outou ‘ua si‘osi‘omia Ierusalema i ‘au o le tau‘a, ‘ia ‘outou iloa i lea aso ‘ua latalata lona fa‘atafunaina.
21 O lea aso, o ē ‘ua i Iutaia ‘ia latou sōsōla i mauga; o ē ‘ua i totonu o lea ‘a‘ai, ‘ia latou ō ‘ese; o ē ‘ua i le vao fo‘i, ‘aua ne‘i latou ō atu i totonu o le ‘a‘ai.