50 ‘Ua fa‘afofoga i ai Iesu, ‘ona tali atu lea o ia ‘iā te ia, ‘ua fa‘apea atu, “‘Aua ‘e te fefe; tau ‘ina ‘ia e fa‘atuatua, ‘ona ola ai lea o ia.”
51 ‘Ua o‘o o ia i le fale, e lē mafai ‘iā te ia ‘ona ulu atu se tasi tau o Peteru, ma Iakopo, ma Ioane, o le tamā fo‘i ma le tinā o le teine.
52 ‘Ua fētāgisi i latou uma, ma tagitu‘i ‘ona o ia; a ‘ua fetalai atu o ia: “Sōia le fētāgisi; e le‘i oti o ia, a ‘ua moe.”
53 ‘Ua latou tapisa ‘iā te ia, auā ‘ua latou iloa ‘ua oti o ia.
54 A ‘ua tago atu o ia i lona lima, ‘ua vala‘au, ‘ua fa‘apea atu, “Funa e, ‘inā tula‘i ia.”
55 ‘Ua toe fo‘i mai lona agaga, ‘ona tula‘i loa lea o ia; ‘ua fetalai atu fo‘i Iesu, ‘ia avatu ni ana mea e ‘ai.
56 ‘Ona matuā ofo ai lea o ona mātua; a ‘ua vavao o ia ‘iā te i lā‘ua, ‘aua ne‘i tala atu i se tasi le mea ‘ua faia.