1 ‘Ua fa‘apotopotoina e Iesu ona so‘o e to‘asefulu ma le to‘alua, ‘ua tu‘u atu ‘iā te i latou le mana ma le pule i temoni uma, ma ia fa‘amālōlō i ma‘i.
2 ‘Ua ‘a‘auina atu i latou e ia e tala‘i i le mālō o le Atua, e fa‘amālōlō fo‘i i ē mama‘i.
3 ‘Ua fetalai atu fo‘i o ia ‘iā te i latou, “‘Aua tou te ‘ave se mea i le malaga, po o to‘oto‘o, po o se taga, po o mea e ‘ai, po o se tupe, ‘aua fo‘i ne‘i ta‘ilua ‘ofutino.
4 O se fale fo‘i tou te ulu atu i ai, ‘ia nonofo ai i le tou ō ai lava.
5 ‘Ai sē lē talia ‘outou, a ‘outou ō ‘ese i lea ‘a‘ai, ‘ia tūtū atu le ‘ele‘ele i o ‘outou vae, e fai ma molimau ‘iā te i latou.”