13 ‘Ua latou tu‘uina atu i atali‘i o Arona le ositaulaga, o Heperona ma ona tuāfanua, e fai ma ‘a‘ai o sulufa‘iga mo le fasioti tagata ma Lipena ma ona tuāfanua,
14 ma Iatira ma ona tuāfanua ma Esetemoa ma ona tuāfanua;
15 ma Holona ma ona tuāfanua ma Tiperi ma ona tuāfanua;
16 ma Aino ma ona tuāfanua ma Iutaa ma ona tuāfanua ma Petesemesa ma ona tuāfanua; o ‘a‘ai e iva mai ia itū‘āiga e lua.
17 Mai le itū‘āiga fo‘i o Peniamina, o Kipeona ma ona tuāfanua; ma Kipea ma ona tuāfanua,
18 ma Anatota ma ona tuāfanua ma Alemoni ma ona tuāfanua; o ‘a‘ai e fa.
19 o ‘a‘ai uma o le ‘au ositaulaga, o atali‘i o Arona, o ‘a‘ai e sefulu ma le tolu, ma o latou tuāfanua.