1 O a‘u fo‘i o le tagata ‘augavale, e tusa ma tagata uma,‘ua ‘ou tupu mai i le ulua‘i tagata na faia o ia i le ‘ele‘ele;‘ua gaosia lo‘u tino i le manava o lo‘u tinā;
2 e tusa ma masina e sefulu ‘ua fa‘ato‘aina ai a‘u i le toto,i le galuega a le tino o le tagata, i le filemū o le itūpō e moe ai.
3 ‘Ua fānau lava a‘u, ‘ona ‘ou mānava ai fo‘i lea i le ‘ea faitele;‘ua fa‘apa‘ūina o a‘u i le ‘ele‘ele e tasi e pei fo‘i o isi tagata;o le tagi lava na ‘ou mua‘i si‘i ai lo‘u leo.
4 O le ‘ie lava na aui ai a‘u ma ‘ua tausia ai a‘u ma le alofa tele.