17 Ditsela tsa bona ke ditsela tse kgahlehang, mebila ya bona ke kgotso.
18 Ke sefate sa bophelo ho ba bo ruileng, ba bo lotolotsang ba na le lehlohonolo.
19 Jehova o theile lefatshe ka bohlale, o adile mahodimo ka kelello.
20 Ka ho tseba ha hae metsi a tebileng a biloha, mme maru a rothisa phoka.
21 Mora ka, tseo di se ke tsa ba tsa tloha pela hao, boloka bohlale le kutlwisiso;
22 mme e tla ba bophelo moyeng wa hao, le kgabiso molaleng wa hao.
23 Ke moo o tla tsamaya o ntse o tiile tseleng ya hao; leoto la hao le ke ke la kgoptjwa.