15 Anak, matutuwa ako kung magiging matalino ka.
16 Makadarama ako ng pagmamalaki kung ang mga salita mo ay may karunungan.
17 Huwag kang maiinggit sa mga makasalanan, sa halip, si Yahweh ay laging igalang at sundin.
18 Kung magkagayon ay gaganda ang iyong kinabukasan.
19 Anak, maging matalino ka at pag-isipan mong mabuti ang iyong buhay.
20 Huwag kang makikisama sa mga lasenggo at sa masiba sa pagkain.
21 Pagkat sila'y masasadlak sa kahirapan, at darating ang panahong magdadamit ng basahan.