1 Kronikak

²Juda izan zen ospetsuena bere anaien artean eta berarengandik sortuko zen errege izango zena; hala ere, lehen-semetzaren eskubidea Joseri eman zioten. ³Hona hemen, Israelen lehen-seme zen Rubenen semeak: Henok, Palu, Hetzron eta Karmi. ⁴Joelen ondorengoak: Xemaias, honen seme Gog, honen seme Ximei, ⁵honen seme Mika, honen seme Raias, honen seme Baal, ⁶honen seme Beera, rubendarren buruzagia, Asiriako errege Tiglat-Pilneserrek erbesteratua. ⁷Beeraren senideak, senitartez senitarte eta oinik oin izendatuak, honako hauek izan ziren: lehena Jeiel, bigarrena Zakarias ⁸eta azkenik Bela, Azaz-en semea; hau Xemaren semea zen; Xema, berriz, Joelena.Rubendarrak Aroertik hasi eta Nebo mendira eta Baal-Meon hiria bitarteko lurraldean bizi ziren.