41 А Десетмината кога чуја, почнаа да негодуваат против Јакова и Јована.
42 Но Исус ги повика при Себе и им рече: „Знаете дека оние, кои се сметаат за владетели на народите - господарат над нив; и дека нивните големци имаат власт над нив.
43 Но меѓу вас не е така; а кој сака да биде голем меѓу вас нека ви биде слуга!
44 А кој сака да биде прв меѓу вас, нека ви биде слуга на сите,
45 зашто и Човечкиот Син не дојде да Му служат, туку да служи и да ја даде Својата душа за откуп на мнозина!”
46 И дојдоа во Ерихон. А кога излегуваше од Ерихон, со Своите Ученици и со големо множество, Вартимеј, Тимеевиот син, слеп просјак, седеше покрај патот.
47 И штом чу дека тоа е Исус Назареецот, почна да вика и да вели: „Исусе, сине Давидов, смилувај ми се!”