22 Зашто ништо не е скриено, што не ќе биде откриено; или што е направено тајно, а да не излезе на видело.
23 Кој има уши да слуша, нека слуша!”
24 И им рече: „Внимавајте што слушате! Со каква мера мерите, со таква ќе ви се мери, и ќе ви се придаде вам, кои слушате.
25 Зашто кој има, ќе му се даде; а кој нема, ќе му се одземе и она што го има.”
26 И велеше: „Така, Божјото Царство е како кога човек ќе фрли семе во земја;
27 и спие и станува ноќе и дење, а семето никнува и расте, а самиот не знае како.
28 Земјата сама од себе донесува плод, најнапред стебло, после клас - потоа клас полн со зрна.