28 зашто си велеше: „Ако се допрам само и до Неговата облека, ќе се спасам!”
29 И веднаш и прекрати крвотечението и таа почувствува во телото дека е излекувана од болеста.
30 А Исус почувствува веднаш во Себе, дека сила излезе од Него, се сврте среде народот и рече: „Кој се допре до Мојата облека?”
31 Неговите ученици пак рекоа: „Гледаш дека народ Те притиска и велиш: ‘Кој се допре до Мене?’”
32 И Тој гледаше наоколу, за да види, кој го направи тоа.
33 А жената, уплашена и растреперена - зашто знаеше што стана со неа - дојде и падна пред Него и Му ја кажа сета вистина.
34 А Тој и рече: „Ќерко, твојата вера те спаси! Оди си со мир и биди здрава од својата болест!”