17 Имено, Ирод испрати и го фати Јована и го врза во темницата, заради Иродијада, жената на брата му Филипа, бидејќи се ожени со неа,
18 зашто Јован му велеше на Ирода: „Не ти е дозволено да ја имаш жената на брата си.”
19 А Иродијада беше озлобена на него и сакаше да го убие, но не можеше.
20 Зашто Ирод се плашеше од Јована, знаејќи дека е човек праведен и свет, и го пазеше; и кога го слушаше, се збунуваше многу, но сепак го слушаше со задоволство.
21 И кога дојде погоден ден, кога Ирод на својот роденден, им даде вечера на своите кнезови, на војводите и на галилејските прваци;
22 влезе Иродијадината ќерка и поигра и им угоди на Ирода и на прилегнатите со него, и царот и рече на девојката: „Побарај од мене што сакаш и ќе ти дадам.”
23 И и, се заколна: „Што и да побараш од мене, ќе ти дадам - до половина на моето царство.”