30 И се врати дома и го најде детето, како лежи на постелата, а бесот излезен.
31 И кога излезе пак од пределите на Тир, дојде - преку Сидон - до Галилејското Море, среде пределите на Десеттоградието.
32 И Му доведоа глувонем и Го молеа да положи рака на него.
33 И го одведе насамо од народот, ги стави Своите прсти во неговите уши, и плукна и го допре неговиот јазик;
34 погледна кон небото, воздивна и му рече: „Ефата!” - односно: „Отвори се!”
35 И веднаш му се отворија ушите и му се разврза врската на неговиот јазик, и зборуваше чисто.
36 И им порача никому да не кажуваат. Но колку повеќе им наредуваше Тој, толку повеќе тие разгласуваа.