21 Беше меѓу тројцата повиден од другите двајца, и им беше началник, ама не ги достигна првите тројца.
22 Венај син Јодаев, јунак од Кавсеил, богат со јуначки дела, ги уби двата сина на Ариел од Моав; тој во еден снежен ден слезе и уби лав сред јама.
23 Уби и некој Египетец, човек од пет лакти. Египетецот во раката имаше копје како ткајачко вратило, а тој излезе пред него со стап и, откако му го истрга на Египетецот копјето од раката, го уби со неговото копје.
24 Тоа го направи Јодаевиот син Венај и се прослави со името меѓу оние тројца јунаци.
25 Беше најпрочуен меѓу триесетмината, но не ги достаса оние тројца. Давид го постави за заповедник на своите телохранители.
26 Храбри јунаци беа: Јоавовиот брат Асаил, Додовиот син Елханан од Витлеем,
27 Арорецот Самот, Фелонецот Хелис;