13 Секој роден во татковината нека постапува вака, кога принесува палена жртва за пријатен мирис на Господа.
14 И ако некој туѓинец, кој живее среде вас, или ќе биде среде вашите потомци, посака да принесе паленица за благоугоден мирис на Господа, нека прави така како што правите и вие.
15 Нека е еден закон и за вас и за туѓинецот, кој живее среде вас. Тоа е вечен закон за вашите поколенија: пред Господа, како што е со вас, така нека биде и со странецот, кој живее среде вас.
16 Еден закон и една заповед да е за вас и за туѓинецот кој е придојден меѓу вас.’”
17 Господ му рече на Мојсеја:
18 „Зборувај им на Израелевите синови и речи им: ‘Кога ќе дојдете во земјата во која ве водам,
19 и кога ќе го јадете лебот на таа земја, принесете Му воздигнат принос на Господа.