30 Но оној кој направи нешто волно, било да е роден во татковината или странец, тој хули на Господа. Таквиот нека биде истребен од својот народ,
31 зашто го презре Господовото слово и ја прекрши Неговата заповед. Таквиот нека биде истребен. Неговата вина нека падне на него!’”
32 Кога Израелевите синови беа во пустината, најдоа човек како бере дрва во саботен ден.
33 И тие, кои го најдоа дека бере дрва, го доведоа при Мојсеја и Арона и при целото општество.
34 Го ставија под стража, зашто уште не беше одредено што треба да се прави со него.
35 „Човекот треба да биде погубен! - му рече Господ на Мојсеја. Сето општество нека го затрупа со камења надвор од логорот.”
36 Целата заедница го изведе надвор од логорот и го каменува, и тој загина, како што Господ му заповеда на Мојсеја.