26 И соблечи му ја на Арона неговата облека и облечи го во неа неговиот син Елеазар. Арон ќе им се придружи на своите луѓе, ќе умре таму.”
27 Мојсеј направи како што нареди Господ. Се искачија на Ор пред целото општество.
28 Мојсеј ја соблече од Арона неговата облека и му ја облече на неговиот син Елеазар. Арон почина таму, на врвот на гората. А Мојсеј и Елеазар слегоа од гората.
29 Целото општество виде дека Арон почина, и сиот Израелев дом го оплакуваше Арона триесет денови.