41 И левитите додели Ми ги Мене - Јас Сум Господ - место сите израелски првенци, а левитскиот добиток место сите првородени на добитокот на Израелевите синови.”
42 Така Мојсеј ги изброја сите израелски првороденци, како што му заповеда Господ.
43 Во пописот имаше дваесет и две илјади и две стотини и седумдесет и три имиња на сите машки првенци од еден месец нагоре.
44 Тогаш Господ му рече на Мојсеја:
45 „Земи ги левитите место сите израелски првороденци, а левитскиот добиток место нивниот добиток; левитите нека бидат Мои. Јас Сум Господ.
46 А за откупнина на двеста седумдесет и три израелски првороденци, што ги има повеќе од левитите,
47 земи по пет шекели на глава, земи ги според храмскиот шекел: дваесет гери - еден шекел.