14 „Слава на Бога во висините, а на земјата мир, меѓу луѓето добра волја!“
15 Кога си отидоа ангелите од нив на небо, пастирите си рекоа меѓу себе: „Да појдеме во Витлеем и да го видиме тоа што се случило, што ни го соопшти Господ.“
16 И дојдоа брзо и ги најдоа Марија и Јосиф со Младенецот кој лежеше во јасли.
17 А штом го видоа, соопштија за сѐ што им беше речено за Тоа Дете.
18 И сите што слушаа се восхитуваа на она што им го говореа пастирите.
19 А Марија ги зачува сите тие зборови, сложувајќи ги во срцето свое.
20 И се вратија пастирите, славејќи Го и фалејќи Го Бога за сѐ она што чуја и видоа, како што им беше речено.