13 Auā fo‘i o le Agaga e to‘atasi na papatisoina ai i tatou uma i le tino e tasi, po o Iutaia, po o Eleni, po o pologa, po o sa‘oloto; ma ‘ua fa‘ainumia i tatou uma i le Agaga e to‘atasi.
14 Auā fo‘i o le tino e lē se itū tino e tasi lea, ‘ae peita‘i o itū tino e lasi.
15 ‘Āfai e fai mai le vae, “‘Ona ‘ua lē o le lima a‘u, ‘ou te lē so le tino;” e moni ‘ea e lē o lo le tino ia?
16 ‘Āfai e fai mai le taliga, “‘Ona ‘ua lē o le mata a‘u, ‘ou te lē so le tino;” e moni ‘ea, e lē o lo le tino ia?
17 ‘Āfai o mata uma le tino, pe fa‘apefea ‘ona fa‘alogo? ‘Āfai na o le fa‘alogo lava, pe fa‘apefea ‘ona sogi?
18 A o lenei, ‘ua tu‘uina e le Atua itū tino e ta‘itasi ma lana tu i le tino, pei ‘ona finagalo i ai o ia.
19 ‘Āfai fo‘i o mea uma o le itū tino e tasi ia pe fa‘apefea le tino?