1 O a‘u fo‘i, le au uso e, na ‘ou lē mafaia ‘ona tautala atu ‘iā te ‘outou fa‘apei o ē fa‘aleagaga, ‘ae peita‘i pei o ē fa‘aletino, pei o i tama meamea ‘iā Keriso.
2 Na ‘ou fafaga ‘iā te ‘outou i le suāsusu, ‘ae lē o mea ‘a‘ano; auā nā ‘outou lē lava i ona po ia, i le tou te lē lavā fo‘i ‘ua o‘o mai i ona po nei;
3 auā ‘ua fa‘aletino pea ‘outou; auā ‘ina o i ai ‘iā te ‘outou le matau‘a ma le misa, e lē o fa‘aletino ‘ea ‘outou ma sāvavali i la le tino?
4 Auā ‘ina o fai mai le tasi, “O a‘u o lo sa Paulō;” ma le tasi, “O a‘u o lo sa Apolō,” ‘ua lē fa‘aletino ‘ea ‘outou?