4 E lē o la matou faitalia ‘ea ‘ona ‘a‘ai ma inu?
5 E lē o la matou faitalia ‘ea, pe matou te feoa‘i ma le avā Kerisiano pei o ‘aposetolo uma, ma uso o le Ali‘i, ma Kefa?
6 Pe na o i mā‘ua ma Panapa, e lē sa ma faitalia ‘ea ‘ona tu‘u o galuega fa‘aletino?
7 O ai ‘ea sē alu i le tau‘a ‘ae lē tauia o ia? O ai ‘ea sē na te faia se tōvine, ‘ae lē ‘ai i ona fua? Po o ai ‘ea se na te leoleoina se lafu ‘ae lē ‘ai i le suāsusu o le lafu?
8 ‘Ou te fai atu ‘ea nei mea i ‘upu a tagata? E lē o fai mai fo‘i ‘ea e le tulafono nei mea?
9 Auā ‘ua tusia i le tulafono a Mose, “‘Aua ‘e te fusi le gutu o le povi a o solisolia e ia saito.” O povi ‘ea e manatu i ai le Atua?
10 Po ‘ua na lē fetalai mai ‘ea ‘ona o i tatou lava? ‘Ona o i tatou fo‘i ‘ua tusia mai ai, auā e tatau i lē na te suatia le ‘ele‘ele ‘ia suatia ma le fa‘amoemoe, o lē solisolia fo‘i saito, ‘ia solisolia ma le fa‘amoemoe, ‘ina ‘ia maua le mea ‘ua fa‘amoemoe i ai.