28 ‘Ua tali mai Peteru ‘iā te ia, ‘ua fa‘apea mai, “Le Ali‘i e, ‘āfai o oe, ‘ia e fetalai mai ‘iā te a‘u, ‘ou te alu atu ‘iā te oe i luga o le vai.”
29 ‘Ona fetalai atu lea o ia, “‘Inā sau ia.” ‘Ona alu ifo ai lea o Peteru mai le va‘a, ‘ua savali i luga o le vai e alu ‘iā Iesu.
30 ‘Ua va‘ai o ia i le matagi ‘ua tetele, ‘ona fefe ai lea; ‘ona āfua ai lea ‘ona goto, ‘ua ‘alaga mai, ‘ua fa‘apea mai, “Le Ali‘i e, ‘ia e fa‘aola mai ‘iā te a‘u.”
31 ‘Ona ‘a‘apa atu loa lea o Iesu o lona ‘a‘ao, ‘ua tago ‘iā te ia, ‘ua fa‘apea atu ‘iā te ia, “O oe na, lē fa‘atuatua itiiti, se ā le mea ‘ua e māsalosalo vale ai?”
32 ‘Ona la ō a‘e lea i le va‘a ‘ona malū ai lea o le matagi.
33 ‘Ona ō mai ai lea o ē na i le va‘a ‘ua ifo mai ‘iā te ia, ‘ua fa‘apea mai, “E moni, o oe lava o le Alo o le Atua.”
34 ‘Ua ō atu i latou i le tasi itū, ‘ua o‘o i le nu‘u, o Kenesareta.