43 O le mea lea ‘ou te fai atu ai ‘iā te ‘outou, E ‘ave‘esea le mālō o le Atua ‘iā te ‘outou, ‘ae tu‘uina atu i se nu‘u e ‘aumai ai ona fua.
44 O sē e pa‘ū i luga o lea ma‘a, e gaugau ai o ia; a o se tasi e pa‘ū ifo i ai le ma‘a, e nutipalaina ai o ia.”
45 ‘Ua fa‘alogo le ‘au ositaulaga sili ma faresaio i ana fa‘ata‘oto, ‘ona latou iloa ai lea, o i latou lava ia na ia fetalai mai ai.
46 ‘Ona latou fia pu‘e ai lea ‘iā te ia, a ‘ua latou fefefe i le motu o tagata; auā o la latou tāofi, o le perofeta o ia.