22 ‘Ona lā tu‘ua loa lea o le va‘a ma lo la tamā, ‘ae mulimuli atu ‘iā te ia.
23 ‘Ua fa‘ata‘amilo Iesu i Kalilaia uma, ‘ua ia a‘oa‘o i o latou sunako, ‘ua ia tala‘i atu fo‘i le tala lelei o le mālō ma fa‘amālōlō e ia o ma‘i uma ma ma‘i tigā uma o le nu‘u.
24 ‘Ua o‘o atu ai lona logo i Suria uma, ‘ona latou ‘aumai ai lea ‘iā te ia o ē ‘ua mama‘i ‘atoa uma, o ē ‘ua i ai ma‘i ‘ese‘ese, ma ē ‘ua puapuagātia, ma ē ‘ua uluitinoina e temoni, ma ē ‘ua ma‘i māliu, ‘atoa ma ē ‘ua mama‘i i le supa; ‘ona fa‘amālōlōina lea o i latou e ia.
25 ‘Ona mulimuli atu lea ‘iā te ia o le motu o tagata e to‘atele mai Kalilaia ma Tekapoli ma Ierusalema ma Iutaia ma ona tala atu o Ioritana.