17 O le kusa, ma le saleka, ma le inesope,
18 ma le tanisamiti, ma le kati, ma le raama,
19 ma le kasita, ma le matu‘u, ma manu e uiga fa‘atasi i ai; o le tukapiti ma le pe‘a.
20 O mea uma felelei e fetolofi, o lo‘o fetolofi i vae e ta‘ifā, e ‘avea ia ma mea e ‘inosia ‘iā te ‘outou.
21 Na o mea ia tou te ‘a‘ai ai i mea fetolofi uma ‘ua felelei, o mea uma e fetolofi i vae ta‘ifā, ‘ua fa‘asilisili nisi vae, e oso ai i le ‘ele‘ele;
22 o mea nei o ia mea tou te ‘a‘ai ai; o le sē akerise, ma mea e uiga fa‘atasi i ai; ma le sē solome, ma mea o uiga fa‘atasi i ai; ma le sē akoli, ma mea e uiga fa‘atasi i ai; ma le sē ‘akava, ma mea e uiga fa‘atasi i ai.
23 A o mea uma e felelei fetolofi i vae ta‘ifā, e ‘avea ia ma mea e ‘inosia ‘iā te ‘outou.