1 ‘Ua fetalai mai fo‘i le ALI‘I ‘iā Mose i le mauga o Sinai, ‘ua fa‘apea mai:
2 Fai atu ia i le fānauga a Isaraelu, ia fa‘apea atu ‘iā i latou: A ‘outou o‘o i le nu‘u ‘ou te avatu ai ‘iā te ‘outou, ‘ona fai ai lea se sapati e mapu ai le lau‘ele‘ele i le ALI‘I.
3 E ono tausaga ‘e te lūlū ai saito i lou fanua, e ono tausaga ‘e te teuteu ai lou tōvine, ma fa‘aputu ai ona fua.
4 A o le fitu o tausaga e fai ma sapati lea e mapu ai le lau‘ele‘ele, o le sapati i le ALI‘I; ‘aua ‘e te lūlū ai ni saito i lou fanua, ‘aua fo‘i ‘e te teuteu ai lou tōvine.