21 ‘Ou te pule atu le manuia ‘iā te ‘outou i le ono o tausaga, ‘ona fua mai ai lea o ona fua e tatau ma tausaga e tolu.
22 Tou te lūlūina saito i lona valu o tausaga, ma ‘a‘ai pea lava i mea tuai se‘ia o‘o lava i lona iva o tausaga; se‘ia matua ni ona fua tou te ‘a‘ai pea lava i mea tuai.
23 E lē fa‘atauina le fanua, ‘ia fa‘atō; auā e o‘u lava le fanua; auā o tagata ‘ese ‘outou ma e āumau ‘iā te a‘u.
24 O le nu‘u uma e fai mo ‘outou, ‘ia ‘outou tu‘u atu ‘ia toe fa‘atauina le fanua.
25 ‘Āfai ‘ua o‘o ‘ina mativa lou uso, ma ‘ua fa‘atauina atu e ia sona fasi fanua, ‘āfai fo‘i ‘ua alu ane se tasi o lona ‘āiga e toe fa‘atau mai ai, ‘ona toe fa‘atauina mai ai lea o ia le mea na fa‘atauina atu e lona uso.
26 ‘Āfai ‘ua lē o ‘iā te ia se tasi e toe fa‘atauina mai, a ‘ua maua e ia lava ni mea e tusa ma le toe fa‘atau mai o le fanua;
27 ‘ona faitau lea o ia o tausaga o lana fa‘atau, ma toe avane ai o mea o totoe i le tagata na ia fa‘atau atu ai; ‘ona fo‘i atu lea o ia i lona fanua.