4 O re: Seo ke se bolelang ke nnete, mme ke hlwekile pela hao!
5 Hola Modimo o mpa o ne o ka bua, wa ahlamisa molomo wa wona ho bua le wena,
6 ho o senolela diphiri tsa bohlale ba wona, bo tebileng, bo fetang kutlwisiso ya rona, o ka be o bona hoba bakeng sa hao Modimo o lebetse boholo ba sebe sa hao.
7 Na o ka fihlela ditaba tse tebileng tsa Modimo na? Na o ka utlwisisa bophethehi ba Ya matla wohle na?
8 Bo phahame jwaloka lehodimo: o ka etsang? Bo tebile ho fetisa nqalo ya bafu: o ka tsebang?
9 Bolelele ba bona bo fetisa lefatshe, bo pharaletse ho feta lewatle.
10 Ha o ka phalla, wa tshwara, wa isa kahlolong, o tla thibelwa ke mang na?