22 Ako amohele thuto e tswang molomong wa wona, o kenye dipolelo tsa wona pelong ya hao.
23 Ha o ka kgutlela ho Ya matla wohle, o tla boela o tsoswe; feela, o leleke bokgopo tenteng ya hao.
24 O lahlele kgauta leroleng, le kgauta ya Ofire majweng a molatswana.
25 Ke hona Ya matla wohle ho wena e tla ba qubu ya kgauta le silefera e benyang haholo;
26 hobane moo o tla fumana thabo ho Ya matla wohle, o emisetse sefahleho sa hao ho Modimo.
27 O tla o rapela, mme o tla o utlwa; o tla phetha dikano tsa hao.
28 Ha o ka rera taba e nngwe, e tla o hlahela, lesedi le kganye tseleng ya hao.