12 Kwa maana kutakuwa siku ya BWANA wa majeshi juu ya watu wote wenye kiburi na majivuno, na juu ya yote yaliyoinuka; nayo yatashushwa chini.
13 Na juu ya mierezi yote ya Lebanoni iliyo mirefu na kuinuka, na juu ya mialoni yote ya Bashani;
14 na juu ya milima mirefu yote, na juu ya vilima vyote vilivyoinuka;
15 na juu ya kila mnara mrefu, na juu ya kila ukuta ulio na boma;
16 na juu ya merikebu zote za Tarshishi, na juu ya kila taswira ipendezayo.
17 Na majivuno ya mwanadamu yatainamishwa, na kiburi cha watu kitashushwa; naye BWANA, yeye peke yake, atatukuzwa siku hiyo.
18 Nazo sanamu zitatoweka kabisa.