1 Tinipon ni Moises ang buong Israel at kanyang sinabi, “Bayang Israel, dinggin ninyo ang kautusan at ang mga tuntuning ibibigay ko sa inyo ngayon. Unawain ninyong mabuti at tuparin ang mga ito.
2 Ang Diyos nating si Yahweh ay gumawa ng kasunduan sa atin sa Bundok ng Sinai,
3 hindi sa ating mga ninuno kundi sa ating nabubuhay ngayon.
4 Harap-harapan siyang nakipag-usap sa inyo sa bundok mula sa naglalagablab na apoy.