13 At sinabi ni Yahweh kay Moises,
14 “Ilabas ninyo sa kampo ang nagmura. Ipatong sa ulo niya ang kamay ng lahat ng nakarinig sa kanya, at pagkatapos ay batuhin siya hanggang mamatay.
15 Sabihin mo sa bayang Israel na mananagot ang sinumang lumapastangan sa kanyang Diyos.
16 Ang lumapastangan sa pangalan ni Yahweh, maging katutubong Israelita o dayuhan, ay babatuhin ng taong-bayan hanggang sa mamatay.
17 “Ang sinumang pumatay ng kapwa ay papatayin din.
18 Kung hayop naman ang pinatay niya, papalitan niya iyon; kapag buhay ang inutang buhay rin ang kabayaran.
19 “Ang makapinsala sa kapwa ay pipinsalain din, tulad ng kanyang ginawa.