3 Ewe, uNyana lo uphuhlisa ubungangalala bukaThixo, ibe ke yena noThixo bangumceph' ucandiwe. Ihlabathi lixhaswe nguye ngamandla elizwi lakhe. Uthe ke akuba elwenzile uxolelo lwezono wahlala ewongeni kwaThixo kweliphezulu.
4 Kaloku uNyana yena mkhulu kunezithunywa zezulu, kwaye ke uzuze negama elibalaseleyo kunelazo.
5 UThixo akukho sithunywa wakha wathi kuso:“UnguNyana wam wena,ndikuzele namhlanje;”engazange atsho nokuthi:“Ndiya kuba nguYise,yena abe nguNyana wam.”
6 Kwakhona ekuyiziseni kwakhe ehlabathini inkulu yakhe uThixo wathi:“Mazinqule yena zonke izithunywa zikaThixo.”
7 Ngokubhekiselele kwizithunywa zikaThixo kuthiwa:“Ulowenza imimoya izithunywa zakhe,nemibane elenyayo ibe zizicaka zakhe.”
8 Kodwa uthi mayela noNyana:“Kambe, ulawulo lwakho, Thixo, àluphele ndawo!Kwaye futhi wena ulawula ngobulungisa.
9 Ungumathand' ubulungisa,uyithiyile inkohlakalo.Ngenxa yaloo nto ke, Thixo,uThixo wakho ukuthambisile.Ewe, ukuthe jize ngesihomo nesithozelaesingaphezulu kwesoogxa bakho.”