7 Vervloek is hulle woede, want dit is heftig en hulle wraak, want dit is wreed. Ek sal hulle verdeel in Ya’akov en hulle verstrooi in Yisra’el.
8 Y’hudah, jy is die een; jou broers sal jou loof en dank met uitgestrekte hande. Jou hand sal op die nek van jou vyande wees; voor jou sal die seuns van jou vader hulle neerbuig.
9 Y’hudah is ’n jong leeu;Open 5:5 van die prooi af het jy opgegaan, my seun. Hy buig af, hy gaan lê soos ’n leeu en soos ’n leeuin; wie sal hom opjaag?
10 Die staf sal van Y’hudah nie weggaan nie, nóg die wetgewer van tussen sy voete uit totdat die Een kom aan Wie die septer behoort; aan Hom sal die nasies gehoorsaam wees.Yog 5:46
11 Hy maak sy donkie vas aan die wingerdstok en die vul van sy donkie aan die edelste wynstok; Hy bleik sy klere in wyn en sy kledingstukke in die sap van druiwe.
12 Sy oë skitter van wyn en sy tande is wit van melk.
13 Z’vulun sal woon by die seestrand en hy sal ’n hawe word vir die skepe, langs Tzidon.