1 Ing jaman kawitan Gusti Allah nitahake langit lan bumi.
2 Anadene bumi mau campur-bawur lan suwung, segara kesaput ing pepeteng, dene Rohe Gusti Allah nglayang ing sadhuwure banyu.
3 Gusti Allah banjur ngandika: “Anaa pepadhang!” Tumuli ana padhang.
4 Padhang mau dipirsani wus becik lan Gusti Allah banjur misahake padhang karo peteng.
5 Kang padhang diparingi aran raina, dene kang peteng: wengi. Mangkono wus dadi sore lan esuk: dina kang kapisan.
6 Gusti Allah tumuli ngandika: “Anaa pepenthengan ing antarane banyu, kang misahake banyu karo banyu.”
7 Gusti Allah banjur yasa penthengan sarta misahake banyu kang ana ing sangisoring penthengan karo banyu kang ana ing sandhuwure penthengan mau. Lan banjur kelakon.