1 На Езекија му беа дваесет и пет години кога се зацари, царуваше дваесет и пет години во Ерусалим. Името на мајка му беше Авија, ќерка Захариева.
2 Правеше што е право во Господовите очи, сосем како и неговиот татко Давид.
3 Во првата година на првиот месец на своето царување ги отвори вратите на Господовиот Дом и ги поправи.
4 Тогаш ги повика свештениците и левитите и, откако ги собра на источниот плоштад,
5 рече: „Чујте ме левити! Посветете се сега и посветете го Домот на Господа, Бога на своите татковци, и отстранете ја нечистотата од Светилиштето.