4 A ‘ua ‘ou lē fiafia ‘iā te oe, ‘ona ‘ua e tu‘ua o lo‘u ulua‘i alofa.
5 O lenei, ‘ia e manatua le mea na e pa‘ū mai ai, ma ‘ia e salamō, ma e faia au ulua‘i galuega; ‘āfai e leai, ‘ona ‘ou vave alu atu lea ‘iā te oe, ‘ou te ‘ave‘esea lau tu‘ugāmolī i le mea e tu‘u ai, pe ‘āfai ‘e te lē salamō.
6 A ‘ua ‘iā te oe lenei mea, ‘ina ‘ua e ‘ino‘ino i galuega a le au Nikalaitai, o a‘u fo‘i ‘ou te ‘ino‘ino i ai.
7 O lē ‘ua i ai taliga, ‘inā fa‘alogo mai ia o ia i le mea ‘ua fetalai mai ai le Agaga i ekalesia.O le manumālō, ‘ou te avatua ‘iā te ia e ‘ai i le la‘au o le ola o i totonu o le parataiso o le Atua.
8 “‘Ia e tusi fo‘i i le agelu a le ekalesia o i Semurana: O mea nei ‘ua fai mai ai lē muamua ma lē mulimuli, o lē na oti, a ‘ua ola mai.
9 “‘Ua ‘ou iloa au galuega, ma lou puapuagā, ma lou mativa, a ‘ua e tamao‘āiga, ma le ‘upu fāifai a ē ‘ua fai mai o Iutaia i latou, ‘ae leai lava, a o le sunako o Satani i latou.
10 ‘Aua lava ‘e te fefe i mea o le ‘ae tigā ai. Fa‘auta, o le a tu‘uina atu ni o ‘outou e le tiapolo i le fale puipui, ‘ina ‘ia tofotofoina ai ‘outou; e pō agafulu fo‘i e puapuagātia ai ‘outou. ‘ia e fa‘amaoni se‘ia o‘o i le oti, ‘ona ‘ou avatu ai lea ‘iā te oe o le pale o le ola.