1 ‘Ua o‘o ‘ina toeaina o Samuelu, ‘ona tofia ai lea e ia o ona atali‘i e fai ma fa‘amasino ‘iā Isaraelu.
2 O le igoa o lona atali‘i ulumatua o Ioelu, a o le igoa o lē aupito ane i ai o Avia; ‘ua fai i lā‘ua ma fa‘amasino i Peresepa.
3 A ‘ua lē sāvavali ona atali‘i i lona ala, ‘ua la ō ‘ese ai i le fia fai ‘oloa, ‘ua tali fo‘i i mea alofa ma fa‘api‘opi‘o i le fa‘amasinoga.
4 ‘Ona fa‘apotopoto ai lea o toeaina uma lava o Isaraelu, ‘ua latou ō atu ‘iā Samuelu i Rama.