15 O a ‘outou fua ma ‘outou tōvine, e ‘ave mea e sefulua‘i ma foa‘i atu i ana ‘au‘auna sili ma ana ‘au‘auna.
16 O a ‘outou ‘au‘auna tane ma a ‘outou ‘au‘auna fafine, ma o ‘outou taulele‘a ‘aulelei, ‘atoa fo‘i ma ‘outou asini, e ‘ave e ia e fai a‘i lana galuega.
17 E ‘ave mea e sefulua‘i a ‘outou mamoe; o ‘outou fo‘i, e fai ‘outou ma ana ‘au‘auna.
18 E ‘alalaga ‘outou i lea aso ‘ona o lo ‘outou tupu na ‘outou filifilia mo ‘outou, ‘ae lē fa‘afofoga mai le ALI‘I ‘iā te ‘outou i lea aso.”
19 ‘Ae lē mafafai le nu‘u ‘ona fa‘alogo i le ‘upu a Samuelu, ‘ua latou fai mai, “E leai lava, ‘ae fai lava so matou tupu;
20 ‘ia pei o nu‘u uma i matou, ‘ia fa‘amasino mai lo matou tupu ‘iā te i matou; ‘ia alu atu fo‘i o ia i o matou luma, ma ‘ia tau i o matou tau‘a.”
21 ‘Ua fa‘alogo Samuelu i ‘upu uma a le nu‘u, ‘ona ta‘u atu ai lea e ia i fofoga o le ALI‘I.