27 Auā o le fafine talitane, o le lua maulalō lea; o le fafine ‘ese, o le vai‘eli pū itiiti lea;
28 o ia fo‘i na te saunia mailei, e tusa ma lē ‘ua fao mea, na te fa‘ato‘ateleina fo‘i tagata amioletonu.
29 O ai ‘ea ‘ua auē? O ai ‘ea ‘ua fa‘anoanoa? O ai ‘ea ‘ua atuatuvale? O ai ‘ea ‘ua lavea ‘ae leai se mafua‘aga? O ai ‘ea ‘ua fulafula ona mata?
30 O ē ‘ua fa‘atuai i le uaina; o ē ō atu e sā‘ili i le uaina filogia.
31 ‘Aua ‘e te va‘ai i le uaina pe a mūmū mai; pe a pupula mai i le ipu, e alualu sa‘o ifo ia.
32 E mulimuli ane e feū ia, pei se gata; e pei o le gata uogo lona tui;
33 e va‘ai ou mata i fafine ‘ese; e tautala fo‘i lou loto i mea fa‘api‘opi‘o.