7 Auā e pei ‘ona manatu o ia i lona loto, ‘ua fa‘apea lava o ia; e fai mai o ia ‘iā te oe, “‘Ai ia ma inu;” ‘ae lē ‘iā te oe lona loto.
8 ‘E te toe pua‘i mai le fāsi i mea ‘ua uma ‘ona ‘ai, ma e fa‘amaumau au ‘upu mālie.
9 ‘Aua ‘e te tautala atu i taliga o le vale; auā e ‘ino‘ino o ia i le poto o au ‘upu.
10 ‘Aua ne‘i si‘i le tuā‘oi o le vavau; ‘aua fo‘i ne‘i e uia fanua o ē mātuaoti.
11 Auā e malosi lava lo latou Fa‘aola; o ia lava na te faia la latou finauga ma oe.
12 Ua‘i mai lou loto i mea e a‘oa‘oina, ma ou taliga i ‘upu e poto ai.
13 ‘Aua ne‘i tāofia le a‘oa‘iga i le tama; auā ‘āfai ‘e te sasa ‘iā te ia i se la‘au, e lē oti o ia;