21 ‘Āfai e fia ‘ai lē ‘ua ita ‘iā te oe, ‘ia e fafaga ‘iā te ia;‘āfai e fia inu o ia, ‘ia e fa‘ainu ‘iā te ia i le vai;
22 auā ‘e te ‘ava‘e ai malala ola i luga o lona ulu;e tauia fo‘i oe e le ALI‘I.
23 O le matagi mai le itū i matū e tupu ai timuga;ma le laulaufaiva fa‘atuaupua e tupu ai mata ita.
24 E lelei ‘ona nofo i le tumutumu i luga o le fale;‘ae leaga ‘ona nofo ma le fafine fa‘amisa i le fale tele.
25 O le vai malūlū i le tagata ‘ua lailoa i le fia inu,o le tala lelei lea mai le nu‘u mamao.
26 O le vaipuna ‘ua fa‘agāepu ma le vaipuna ‘ua fa‘aleagaina,o le tagata amiotonu lea ‘ua pa‘ū i luma o lē ‘ua amio leaga.
27 O le ‘ai tele i meli, e lē lelei lea;o le su‘esu‘ega fo‘i o lo latou mamalu, o le mea e mafatia ai lea.