19 Ако пак сите би биле еден член, каде би било телото?
20 А сега се многу членови, а телото е едно.
21 Не може окото да и рече на раката: „Не си ми потребна,” или пак главата на нозете: „Не сте ми потребни!”
22 Туку попотребни се оние членови на телото, што изгледаат послаби.
23 И поголемо почитување им даваме на оние членови на телото, за кои сметаме дека не заслужуваат почитување. Нашите неугледни членови имаат поголема пристојност;
24 а на пристојните тоа не им треба. Но Бог го сложил телото, давајќи му поголема чест на оној член, кој ја нема,
25 за да нема раздор во телото, туку членовите еднакво да се грижат еден за друг.