37 И што сееш, не го сееш телото што ќе биде; туку голо зрно, било пченично или од нешто друго.
38 А Бог му дава тело, какво што сака; и на секое семе негово тело.
39 Не е секое тело исто тело: туку друго е човечкото, и друго е животинското тело, и друго е телото на птиците, и друго на рибите.
40 Има и небесни тела и земни тела, но друг е сјајот на небесните тела, друг на земните.
41 Друг е сјајот на сонцето, а друг е сјајот на месечината; а друг е сјајот на ѕвездите, зашто ѕвезда од ѕвезда се разликува по сјајот.
42 Така е и со воскресението на мртвите; се сее во распадливост, воскреснува во нераспадливост;
43 се сее без чест, воскреснува во слава; се сее во слабост, воскреснува во сила;